PRERANA... (THE MOTIVATION)

jise dekh ke, suraj chadhta hai,
jise dekh ke, rahi badhta hai....
jise dekh ke, sawan aata hai,
jise dekh, papiha gata hai.....

jise dekh ke, badal chhate hain,

jise dekh ke, jharne gate hain..
jise dekh ke, baharein aati hain,
jise chhuke pawan, gungunati hai......

jise dekh ke, nadiyan behti hai,
jise dekh, lehren kuchh kehti hain..
jise dekh ke, kaliyan khilti hai,
jise dekh ke, khushiya milti hai....

jise dekh ke, suraj dhalta hai,
jise dekh ke, chand nikalta hai…
jise dekh ke, basant aa jata hai,
jise dekh, indradhanush khil jata hai….

aisi khoobsurat zindagi ki, prerana ho tum……..